ხმაური და დაპირისპირება ბათუმის საკრებულოში - სხდომის მიმდინარეობის პარალელურად იქ ადგილობრივები შეიკრიბნენ, რომელბიც ბათუმის პლაჟზე სასტუმრო "ლე მერიდიანისთვის" დამატებითი მიწის, 4 ათასი კვ/მ ფართის გადაცემის ფაქტს აპროტესტებენ:

"11:30 საათზე განიხილავენ ბულვარის პლაჟის საკითხს, მოდით ყველა ბათუმელი, არ დავუშვათ ჩვენი და ჩვენი შვილების, საჯარო სიკეთის მისაკუთრება. ეს ქალაქი ჩვენია! ზღვა და პლაჟი ყველა მოქალაქეს ეკუთვნის და დაუშვებელია შემოსაზღვრა! კმარა ჩვენი ქალაქის მიტაცება!" - ნათქვამია აქტივისტების მიერ სხდომის დაწყებამდე გავრცელებულ განცხადებაში.

მიუხედავად იმისა, რომ აქტივისტებს სხდომაზე არ უშვებენ, იქ შესვლა რამდენიმე მათგანმა მაინც შეძლო.