გმირი პატრიოტი თუ "ოცნების" სცენარის ნაწილი - ვის თამაშს თამაშობს ბოგველი, რომელიც მელიასთვის გირაოს გადახდას აპირებს, თუმცა, იმდენი ფული არ აქვს, რომ ავტომობილით გადაადგილდებოდეს

პოლიტიკა - 11:12, 30 Mar, 2021

1514

ყოფილი პოლიტიკოსი და ფსიქოლოგიის განვითარების კვლევითი ცენტრის ხელმძღვანელი ბესიკ ბოგველი, რომელიც ენმ-ს თავმჯდომარისთვის გირაოს თანხის გადახდას აპირებს, მედიასთან პირველ სატელევიზიო განმარტებას აკეთებს. ის უარყოფს რომელიმე პოლიტიკურ ძალასთან კავშირს და აცხადებს, რომ მლიას მიმართ თანაგრძნობა აქვს, ქვეყანა კი ჩიხშია შესული და შველა სჭირდება.
თანხა, რომლის გადახდაც ბოგველს სურს და რომელზეც ქვეყნის პოლიტიკური პროცესებია დამოკიდებული, საკმაოდ დიდია - 40 ათასი ლარი. ამის მიუხედავად, ის ირწმუნება, რომ გირაოს თანხის შეტანით ქვეყანას ეშველება. საინტერესოა, საიდან აქვს ბოგველს ამხელა თანხა, როდესაც საკუთარი ავტომობილიც არ ჰყავს და ქალაქში საზოგადოებრივი ტრანსპორტით გადაადგილდება:
"ეს არის უბრალოდ დასტური, რომ მმართველი პარტია და მასთან დაკავშირებული ძალები დესტაბილიზაციისა და დაპირისპირების გარეშე ვერ ძლებენ. ღამე არჩევდნენ, ვისი კაცი ვარ, რეკავდნენ აქეთ-იქით, ფსიქოლოგი ვარ, არ შეიძლება, ფსიქოლოგს პოზიცია ჰქონდეს? ნიკა მელია და ნებისმიერი პოლიტიკოსი არის პირველ რიგში საქართველოს მოქალაქე, თანაგრძნობაც მაქვს და პროცესებიდან გამომდინარე, ვხედავ, რომ ძალიან ცუდად მიდის ქვეყანა. ფსიქოლოგს არ შეიძლება ჰქონდეს ანტიპატია ვინმეს მიმართ?" - განაცხადა ბესიკ ბოგველმა ჟურნალისტებთან.
მელიას ადვოკატებს არ სჯერათ მისი გადაწყვეტილების დამოუკიდებლობის და აცხადებენ, რომ ბოგველი "ოცნების" თამაშს თამაშობს.