ერთიანი ნაციონალური მოძრაობის წარმომადგენელ აკაკი მინაშვილის განცხადებით, პარტიის დაკავებული თავმჯდომარე გირაოს გადახდას არ აპირებს და მოლაპრაკებებში ეს კომპრომისული ნაბიჯი არ განიხილება.

"მმართველმა პარტიამ მთავარი ოპოზიციური პარტიის ცენტრალურ ოფისზე შტურმით დააკავა პარტიის თავმჯდომარე ნიკა მელია. ბუნებრივია ჩვენი მხრიდან ამ მიმართულებით რაიმე დათმობა და გირაოს გადახდა, მიუღებელია. ასეთ ნაბიჯზე წასვლა პოლიტიკური დევნის გაგრძელებისთვის მწვანე შუქის ანთება იქნება.

ეს საკითხი დღის წესრიგში არ დგას" - განაცხადა მინაშვილმა.