ევროპული საბჭოს პრეზიდენტის შარლ მიშელის სპეციალური წარმომადგენელი საქართველოში კრისტიან დანიელსონი ევროკავშირის ოფისში "ქართული ოცნების" წევრებს ხვდება. მმართველ პარტიასთან შეხვედრა დღეს უკვე მეორედ მიმდინარეობს.

შეხვედრას პარტიის თავმჯდომარე ირაკლი კობახიძე, პარლამენტის თავმჯდომარე არჩილ თალაკვაძე და ოცნების დეპუტატი შალვა პაპუაშვილი ესწრებიან.

დანიელსონისა და ოცნების ლიდერების პირველი შეხვედრა შუა დღეს გაიმართა, რომლის დასრულების შემდეგაც მმართველი პარტიის ოფისში საგანგებო სხდომა ჩაინიშნა. სხდომის დასრულების შემდეგ ოცნების წევრებს კომენტარები არ გაუკეთებიათ.