"ოცნების" წევრმა ნიკოლოზ სამხარაძემ "კურიერის" ეთერში ენმ-ს თავმჯდომარისთვის იმუნიტეტის შეჩერებისა და გახარიას გადადგომის საკითხზე ისაუბრა და განაცხადა, რომ თავად გახარია არწმუნებდა უმრავლესობის წევრებს, რომ მელიასთვის იმუნიტეტი შეეჩერებინათ, სამ დღეში კი ამ მიზეზის გამო თანამდებობა დატოვა:

"გახარია უმრავლესობის სხდომაზე არწმუნებდა უმრავლესობის ყველა წევრს, ვისაც შეიძლებოდა ცოტა განსხვავებული პოზიცია ჰქონოდა იმაში, რომ ნიკა მელიას უნდა მოხსნოდა იმუნიტეტი აუცილებლად იმიტომ, რომ სხვა მხრივ ეს არ იქნებოდა სწორი სამართლებრივად.

შემდეგ რატომ შეიცვალა პოზიცია არ ვიცი, ეს მას უნდა ჰკითხოთ. ამას მე პირველად არ ვამბობ, იმ დღესაც ვთქვი, როდესაც მან გააკეთა განცხადება გადადგომის შესახებ, მე ვთქვი, რომ ძალიან მოულოდნელი იყო ეს ჩემთვის და გასაკვირი იმიტომ, რომ 3 დღით ადრე გვარწმუნებდა ჩვენ ყველას, რომ იმუნიტეტის მოხსნა იყო აუცილებელი," - განაცხადა ნიკოლოზ სამხარაძემ რუსთავი 2-ის ეთერში.