"დენიელსონი თუ წავა ისე, რომ მელია ციხეში იჯდება, ეს იქნება ჩვენი საზოგადოების დიდი შეურაცხყოფა" - მმართველი გუნდი ვადამდელ არჩევნებზე კვლავაც უარს ამბობს

პოლიტიკა - 15:18, 29 Mar, 2021

1215

ნიკა მელიას გათავისუფლების გარეშე მოლაპარაკებებს აზრი არ აქვს - ამის შესახებ მოძრაობა „ტრიბუნას“ ლიდერმა დავით ჭიჭნაძემ განაცხადა.
ჭიჭინაძე დიალლოგის მორიგი რაუნდის შემდეგ მმართველი გუნდის წევრების პოზიციას ეხმაურება და ამბობს, რომ დენიელსონის შეხვედრის შემდეგ ოპოზიციის ლიდერის ციხეში დარჩენს საზოგადოების შეურაცხყოფა იქნება. შეხვედრიდან გამოსულმა ირაკლი კობახიძემ კი განაცხადა რომ ვადამდელ არჩევნებს მმართველი გუნდი არ განიხილავს.

„სასამართლო ნიკა მელიას გირაოს არ ითხოვს, სასამართლომ მელიას მიუსაჯა!

გირაოს „ოცნების“ ხელისუფლება ითხოვს და ახლა გაუგებარ ზღაპრებს გვიყვებიან.

და სანამ ეს საკითხი არ გასწორდება, მოლაპარაკების აზრს საერთოდ ვერ ვხედავ!

ხოლო თუ დანიელსონი მეორედაც ისე წავა საქართველოდან, რომ მელია ისევ ციხეში დარჩება, ეს იქნება ჩვენი საზოგადოების ყველაზე დიდი შეურაცხყოფა.

რადგან ამ ლოგიკით, „ქართულ ოცნებას“ შეუძლია ნებისმიერი ოპოზიციონერი ლიდერი უკანონოდ მოიტაცოს, მერე აბსურდული ბრალდებები წაუყენოს და უფრო აბსურდული გირაო მოითხოვონ.

მოკლედ, 15 მაისამდე ნიკა მელიას თუ არ გამოუშვებებნ, 15 მაისის აქცია მხოლოდ ერთი, მელიას გათავისუფლების მოთხოვნით უნდა ჩატარდეს!“ - აცხადებს ჭიჭნაძე