საქართველოს პრემიერ-მინისტრი ირაკლი ღარიბაშვილი მთავარი არხის გენერალური დირექტორის ნიკა გვარამიას გუშინდელ მონოლოგს გამოეხმაურა, სადაც ის სიძულვილის ენაზე უარის თქმის შესახებ საუბრობდა.

ღარიბაშვილმა გვარამიას სიძულვილის ეტალონი უწოდა და განაცხადა, რომ მისნაირმა ანტისახელმწიფოებრივმა წარმომადგენლებმა ქვეყნის წინააღმდეგ საბოტაჟი უნდა დაასრულონ:

"მე ვარ წინააღმდეგი ყოველგვარი სიძულვილის. გვარამია არის ზოგადად ეტალონი სიძულვილის, სიბოროტის და ღვარძლის ნთხევის, დღეს გახდა მოსიყვარულე?!

მათ უნდა შეცვალონ, ამ ანტისახელმწიფოებრივმა წარმომადგენლებმა უნდა შეცვალონ და დაასრულონ ეს საბოტაჟი ჩვენი ქვეყნის წინააღმდეგ. ხალხი დაიღალა უკვე და ხალხს აღარ აქვს ამის მოთმინების უნარი და სურვილი. რატომ უნდა ვილაპარაკო გვარამიაზე, ამდენი საქმე მაქვს გასაკეთებელი" - განაცხადა ღარიბაშვილმა