"ჩვენი მხრიდან მსჯელობა იქნება მხოლოდ იმ გზებზე, როგორ მივიდეთ ახალ არჩევნებამდე და პოლიტპატიმრების გათავისუფლებამდე" - ასე ეხმაურება ერთიანი ნაციონალური მოძრაობის ერთ-ერთი ლიდერი სალომე სამადაშვილი მმართველი პარტიის განცხადებას, რომ ვადამდელი არჩევნები არ იქნება.

სამადაშვილის თქმითვე, ქვეყანას აუცილებლად და სწრაფად სჭირდება შექმნილი პოლიტიკური კრიზისიდან გამოსვლა, შესაბასად "ქართულმა ოცნებამ" პირადი ინტერესები უნდა დაივიწყოს და სახელმწიფოებრივად იფიქროს.

"კარგი იქნება თუ მმართველი პარტია ქვეყნის ინტერესებს საკუთარ პირად ინტერესებზე წინ დააყენებს, რადგან ქვეყანას არსებული კრიზისიდან გამოყვანა სჭირდება. შესაბამისად, უნდა შექმნის სივრცე შეთანხმებისთვის.

ჩვენ შესაძლოა ვიმსჯელოთ იმ გზებზე, როგორ მივიდეთ პოლიტიკური პატიმრების გათავისუფლებამდე და ახალ არჩევნებამდე. როგორც იმ საბოლოო ნაბიჯამდე, რომელიც არსებულ კრიზის განმუხტავს" - აღნიშნა სამადაშვილმა.

ჩვენ ვიმსჯელებთ მხოლოდ იმ გზებზე, როგორ მივიდეთ პოლიტპატიმრების გათავისუფლებამდე და ახალ არჩევნებამდე - სალომე სამადაშვილი