ერთიანი ოპოზიციის განცხადებას არ უერთებიან რესპუბლიკელები. პარტიის თავმჯდომარე ამბობს, რომ მედიატორის ჩამოსვლის წინ, წინაპირობების დაყენება მიუღებელია. ხათუნა სამნიძის თქმით, პარტია დაელოდება მოლაპარაკებების დაწყებას და მხოლოდ მიმდინარე პროცესში დააფიქსირებენ თავიანთ პოზიციას.

„ამ განცხადებას ჩვენ არ შევუერთდით, რადგან არ ვთვლით, რომ მომლაპარაკებლის ან მედიატორის ჩამოსვლის წინ ამ ტიპის წინაპირობების დაყენება სწორი იყოს მოლაპარაკებების პროცესისთვის. ველოდებით მედიატორს, რომელიც უახლოეს დღეებში განაახლებს მოლაპარაკებებს და მოლაპარაკებების პროცესში დავაფიქსირებთ პოზიციებს. მოლაპარაკების მაგიდასთან უნდა იყოს განხილული ყველა ვერსია და შესაძლებლობა იმისთვის, რომ შეთანხმება შედგეს და ქვეყანამ გააგრძელოს ნორმალურ პირობებში ცხოვრება", - ამბობს ხათუნა სამნიძე.