"ქართული ოცნების" თავმჯდომარე მამუკა მდინარაძე ეხმაურება, კუბილიუსის განცხადებას, სადაც ევროპარლამენტარი ამბობს, რომ უფრო ეფექტიანი იქნება, თუ სააკაშვილი და ივანიშვილი ღიად იტყვიან თავიანთ ხედვებს, და აცხადებს, რომ "ივანიშვილისა და სააკაშვილის შედარება ყოვლად მიუღებელია და შეურაცხმყოფელია" , რადგან, მისივე თქმით, სააკაშვილი კრიმინალია.

მისივე განმარტებით, შედარება ივანიშვილსა და სააკაშვილს შორის ემსახურება მიზანს, რომ "კრიმინალები პოლიტიკაში "გაპრავდნენ".

"ივანიშვილსა და სააკაშვილს შორის შედარება წარმოუდგენელია. ტოლობის ნიშნის დასმა მათ შორის კი, კიდევ უფრო მეტი საოცრებაა. ერთ მხარეს დგას სასამართლოს განაჩენით დადასტურებული კრიმინალი და ასევე, ადამიანი დღეს არ ტოვებს რომ არ გამოჩნდეს ეთერში მიუხედავად მისი კრიმინალურობისა, განსხვავებით ბიძინა ივანიშვილისგან, რომელიც მისი პოლიტიკიდან წასვლის შესახებ გაკეთებული განცხადების შემდეგ, ერთი წამითაც არ გამოჩენილა არსად საჯარო სივრცეში, ამ კუთხითაც კი შედარება ყოვლად დაუშვებელია. ჩემი აზრით ეს შეურაცხმყოფელიც კი არის, რომელიც ემსახურება მიზანს, რომ კრიმინალები პოლიტიკაში "გაპრავდნენ",- განაცხადა მამუკა მდინარაძემ.