"გოგი წულაიას თავისუფლებისთვის" ამ სახელწოდებით , ხვალ, 28 მარტს გოგი წულაიას მხარდასაჭერი აქცია დაანონსდა - აქტივისტები გლდანის ციხესთან შეიკრიბებიან.

ორგანიზატორების განცხადებით, მსურველები აქციას ქუთაისიდანაც შეუერთდებიან.

"ვისაც ეჭვი არ ეპარება გოგი წულაიას სიმართლეში გელოდებით ყველას 28 მარტს 14:00 საათზე გლდანის ციხესთან დავუდგეთ გვერდში ბატონ გოგის უსამართლობის წინააღმდეგ ბრძოლაში !"- წერენ აქციის ორგანიზატორები.

შეგხასენებთ, რომ ოპოზიციონერი პოლიტიკოსი გოგი წულაია, 17 მარტს დააკავეს. მას ქალზე ძალადობას ედავებიან. წულაიას 18 მარტს, ბრალი დაუმძიმდა, პროკურატურამ წულაიას ბრალი სექსუალური ძალადობის მსგავსი ქმედების დანაშაულით წაუყენა, რომელიც 4-დან 6 წლამდე პატიმრობას ითვალისწინებს.