ევროპული საბჭოს პრეზიდენტის შარლ მიშელის სპეციალური წარმომადგენელი საქართველოში კრისტიან დანიელსონი ხელისუფლებასა და ოპოზიციას შორის მედიაციის პროცესს 29 მარტიდან განაახლებს. ჯერ-ჯერობით უცნობია სრული დღის წესრიგი, თუმცა ცნობილია ის, რომ დანიელსონი საქართველოში ხვალ ან ზეგ ჩამოვა.

შეგახსენებთ, რომ მედიაციისთვის კრისტიან დანიელსონი პირველად მიმდინარე წლის 12 მარტს ჩამოვიდა, თუმცა მისი შეუამავლობით გამართული შეხვედრა წარუმატებლად დასრულდა. მან ვიზიტი გაახანგრძლივა იმ იმედით, რომ მომდევნო შეხვედრა შედეგს გამოიღებდა, საბოლოოდ კი ქვეყანა ვერ შემდგარი მოლაპარაკებების შემდეგ დატოვა.