ევროკავშირის ელჩის კარლ ჰარცელის თქმით, დანიელსონის პირველი ვიზიტის შედეგი საქართველოში გამაწბილებელი აღმოჩნდა, განმეორბითი ვიზიტის დროს კი მნიშვნელოვანია, ყველა პოლიტიკურმა ლიდერმა გამოიჩინოს ნება და შეხვედრა წარმატებით დასრულდეს:

"საიდუმლო არ არის, რომ ძალიან გამაწბილებელი იყო ბატონი დანიელსონის პირველი ვიზიტის შედეგი იმ გაგებით, რომ მედიაცია შედეგის გარეშე დასრულდა. ახლა ის კიდევ ერთხელ ჩამოდის საქართველოში და განრიგის შესახებ ცოტა მოგვიანებით ვისაუბრებთ. ახლა მთავარია, რომ ყველა პოლიტიკურმა ლიდერმა გამოიჩინოს ნება, რომ შეთანხმება მიღწეულ იქნას, ეს არ იქნება იოლი, მაგრამ მისია ეს არის და ახლა არის მომენტი, რომ პოლიტიკური ლიდერობა გამოავლინოს ყველა მონაწილემ", - განაცხადა ჰარცელმა.

ევროპული საბჭოს პრეზიდენტის შარლ მიშელის სპეციალური წარმომადგენელი საქართველოში კრისტიან დანიელსონი განმეორებით ვიზიტს კვირის ბოლოს დაიწყებს.