"ერთიანი ნაციონალური მოძრაობის" წარმომადგენელი ნონა მამულაშვილი დიპლომატიურ კორპუსში მიმდინარე პროცესებს ეხმაურება და აღნიშნავს, რომ მმართველი პარტიის მიერ განსხავავებული და თავისუფალი აზრის დევნას, მალე დიპლომატიური კორპუსის დაცლა მოჰყვება.

მამულაშვილის თქმითვე, რთულია "ქართული ოცნების" ანტიდემოკრატიული გზავნილების დასავლეთში გახმოვანება, რასაც შედმგომ თან ახლავს დიპლომატიური მისიის წარმომადგენელთა დათხოვნა.

"ჩვენ საქმე გაქვს თავისუფალი აზრის სისტემატიურ დევნასთან. დიპლომატიური მისიის წარმომადგენლები ან თავისი ნებით ტოვებენ პოზიციებს, რადგან არ ეთანხმებიან სახელმწიფოს პოლიტიკას და ხედავენ, რომ პოზიციები, რომლებიც მმართველ პარტიას აწყობს, ანტიდემოკრატიულია. ან, მათ თავისუფალი და განსხვავებული აზრის დაფიქსირებისთვის ათავისუფლებენ.

რთულია ოცნების ანტიდემოკრატიული პოზიციების დასავლეთში გახმოვანება. შესაბამისად, ვფიქრობ, რომ ეს პროცესები გაგრძელდება და შესაძლოა მალე დაცლილი დიპლომატიური მისიები ვიხილოთ" - აღნიშნა მამულაშვილმა.