დიზაინერმა დათუნა სულიკაშვილმა პირველად აღიარა, რომ ნარკოტიკებს მოიხმარდა. “სიცრუის დეტექტორში” მან ცხოვრების ის ეპიზოდი გაიხსენა, როდესაც აკრძალული ხილი გასინჯა და ეცადა ვარსკვლავებისთვის მიებაძა… თუმცა იქვე მიმართა ყველას, რომ არაფრით არ გაბედონ ნარკოტიკის მიღება:

" არის ასაკი კლუბებში დადიხარ, მოგზაურობ და სხვადასხვა წრეებში ხვდები… “მე ხომ დედიკოს ბიჭი არ ვარ” – გაქვს მიდგომა და გიჩნდება ინტერესი.

ჟურნალისტების ბრალიც არის ამ თემის პროპაგანდა. მაგალითად, ვარსკვლავებზე, რომლებიც დამოკიდებულნი იყვნენ ნარკოტიკზე (ვიტნი ჰიუსტონი, ჯორჯ მაიკლი, ქეით მოსი), მუდმივად იწერებოდა. ჟურნალისტები რომანტიზებას უწევდნენ მათ ამ საქციელს. ფანებიც მათი შემხედვარე იმეორებდნენ იგივეს. ქეით მოსი მაგარი ტიპია და თუ ის ნარკოტიკს მოიხმარს, მეც მოვიხმარო…

მე ასეთი სიძლიერით და ასეთი დამოკიდებული არ ვყოფილვარ, თუმცა “ვერთობოდი”. ვაღიარებ, რომ ხელი ძალიან შეუშლია. ეს ყველამ უნდა იცოდეს.

საჯაროდ პირველად ვაღიარე…

დედა შოკში ჩავარდა. მან ჩემი მეგობრებისგან გაიგო. ვერ წარმოედგინა, რომ მე მსგავსი რამ შემეძლო გამეკეთებინა.

არასდროს არ გააკეთოთ ეს. თითქმის ყველაფერში ხელს გიშლის – პირადულში, სამსახურში, მეგობრებთან დამოკიდებულებაში…" - ამბობს დიზაინერი.