"ერთიანი ნაციონალური მოძრაობა" მზაობას აცხადებს მოლაპარაკებების მორიგ რაუნდში მონაწილეობისთვის.

როგორც პარტიის ერთ-ერთი ლიდერი სალომე სამადაშვილი აღნიშნავს, ბრიუსელისა და ვაშინგტონის გზავნილების შემდგომ, სწორედ მმართველი პარტიის ინტერესებში უნდა შედიოდეს კონკრეტული შეთანხმების მიღწევა.

"მიუხედავად იმისა, რომ წინა ჯერზე მმართველმა პარტიამ მოლაპრაკებები ჩაშალა, ჩვენ ველოდებით დანიელსონის ვიზიტს საქართველოში და ვაპირებთ ძალიან კონსტრუქციულ რეჟიმში გავმართოთ მასთან შეხევდრები.

თუ "ქართული ოცნება" კიდევ ერთხელ ყურადღებით მოუსმენს ყველა გზავნილს რაც როგორც ბრიუსელში, ასევე ვაშინგტონში მიიღო, დარწმუნდება, რომ დღეს, პირველ რიგში სწორედ მათ ინტერესებშია დანიელსონის ვიზიტი უშედეგოდ არ დასრულდეს" - აღნიშნა სამადაშვილმა.

შეგახსენებთ, რომ ევროპული საბჭოს პრეზიდენტის შარლ მიშელის სპეციალურ წარმომადგენელ კრისტიან დანიელსონს საქართველოში კვირის ბოლოს ელოდებიან.