დიპლომატიურად საუბრობენ, მაგრამ არსი ერთია, რომ საქართველში ხელისუფლება ბოლომდე დალპა - ასე აფასებს საქართველოს მესამე პრეზიდენტი აშშ-ს სენატიდან წამოსულ გაფრთხილებებს და კრიტიკას "ოცნების" ხელისუფლების მისამართით.

იგი აცხადებს, რომ აუცილებელია ივანიშვილისა და მისი გარემოცვის მიმართ კონკრეტული ზომები და სანქციები გატარდეს, რადგან მიხეილ სააკაშვილის თქმით, ახლა ოლიგარქი ყველაზე მეტად სწორედ ფინანსურ სანქციებს უფრთხის:

"მე როცა ვიყავი საქართველს ხელისუფლებაში, მაშინ რომ ამერიკის სენატს ასე ესაუბრა, როგორც გუშინ, ძალიან, ძალიან ცუდ ხასიათზე ვიქნებოდი და მეცოდინებოდა, რომ ძალიან შავად გვაქვს საქმე, როგორც ქვეყანას და როგორც ხელისუფლებას.

ესენი რომ არ იმჩნევენ და უტიფრად შავზე ამბობენ თეთრს და პირიქით, ეს არაფერს არ ნიშნავს, თვითონ ხომ იციან რომ ძალიან ცუდად აქვთ საქმე"- ამბობს მიხეილ სააკაშვილი.