მოქალაქეების ერთ-ერთი ლიდერი, ლევან იოსელიანი ამბობს, რომ ქართველებმა უფრო მეტი უნდა იფიქრონ საკუთარ ქვეყანაზე, ვიდრე ამაზე ფიქრობენ ამერიკელები. ასე შეაფასა მან ფორმულას ეთერში გუშინ, 23 მარტს, აშშ-ს სენატში, საქართველოს შესახებ მოსმენა.

"ნამდვილად ძალიან საინტერესო მოსმენა იყო საქართველოს საკითხით. კიდევ ერთხელ ადასტურებს ჩვენი სტრატეგიული პარტნიორის ინტერესს, რომ საქართველოში პოლიტიკური კრიზისი დაიძლიოს და დაიძლიოს, რაც მთავარია, პოლიტიკური შეთანხმების გზით.

ძალიან ნათლად გაესვა ხაზი, რომ პასუხისმგებლობა ეკისრება ორივე მხარეს; რომ, საბოლოო ჯამში, ეს გაჯიუტება აზიანებს საქართველოს სტრატეგიულ ინტერესებს და რომ ქართველებმა უფრო მეტი უნდა ვიფიქროთ საკუთარ ქვეყანაზე, ვიდრე ამაზე ფიქრობენ ამერიკელები", - განაცხადა ლევან იოსელიანმა.