"ერთიანი ნაციონალური მოძრაობის" ერთ-ერთი ლიდერის გიორგი ბარამიძის განცხადებით, ვენეციის კომისიამ ნეგატიურად შეაფასა მმართველი პარტიის ინიციატივა, რომელიც ლიდერის უცხო ქვეყნის მოქალაქეობის გამო, პარტიის რეგისტრაციიდან მოხსნას გულისხმობს.

"როგორც მოსალოდნელი იყო ვენეციის კომისიამ ნეგატიურად შეაფასა "ქართული ოცნების" გაუაზრებელი ინიციატივა, რომლითაც მთავარი ოპოზიციური პარტიის შესაშინებლად გამოვიდა. ჩვენ გვყავს ლიდერი, რომელიც მათი მხრიდან პოლიტიკური დევნის გამო საზღვარგარეთ იმყოფება.

იმისთვის, რომ პარტიის ლიდერი სხვადასხვა მიზეზის გამო შესაძლოა უცხო ქვეყნის მოქალაქე იყო, მისი რეგისტრაციიდან მოხსნა აბსოლუტურად არაპროპორციული ზომაა და როგორც პარტიის, ასევე ამომრჩევლის უფლებებს არღვევს" - განაცხადა ბარამიძემ.