„ევროპული საქართველოს“ წევრის გიგი წერეთლის განცხადებით, ამერიკელ სენატორთა მოსაზრებები საკმაოდ მკაფიო და ნეგატიური იყო. მისი თქმით, საქართველოს ხელისუფლებამ ამერიკელ სენატორთა გზავნილების შესაბამისად უნდა იმოქმედოს:

„ვფიქრობ, სენატში გამოთქმული მოსაზრებები ძალიან მკაფიო იყო. რა თქმა უნდა, ზოგადად, ქვეყნისთვის მნიშვნელოვანია, რომ საქართველოზე არის საუბარი და ამ ქვეყნის გულშემატკივრობა ხდება. მაგრამ, სამწუხაროა, რომ ბევრი ნეგატიური გზავნილი იყო, პირველ რიგში, ხელისუფლების მისამართით, რადგან არაერთხელ აღინიშნა, რომ ყველაფერზე მთავარი პასუხისმგებელი არის ხელისუფლება. მათ შორის შეთანხმებაზეც, რომელიც აუცილებლად უნდა შედგეს. ასევე არჩევნების შეფასებისას ძალიან მკაფოდ ითქვა მთელი იმ ნეგატივის შესახებ, რაც არჩევნებს უკავშირდებოდა. საუბარი იყო ასევე სასამართლო სისტემასა და პოლიტიკურ მართლმსაჯულებაზე. რაც საქართველოში ხდება, დემოკრატიული უკუსვლაა. ეს არ არის ქვეყნის ინტერესებში და ამ არეულობით და პოლიტიკური კრიზისით მხოლოდ რუსეთი იგებს.

შესაბამისად, ხელისუფლებამ ეს უნდა გაიგოს და შესაბამისად იმოქმედოს.

ასეთი მოსმენების შედეგი, არა მხოლოდ გზავნილებია, არამედ სენატის საგარეო ურთიერთიობათა კომიტეტი კიდევ უფრო წინ წავიდა. არის ინიციატივა, რომ საქართველოსთან დაკავშირებით რეზოლუცია იყოს. თუ ეს რეზოლუცია სწრაფად მიიღება, ეს დამატებითი ინსტრუმენტი იქნება, რომ შეთანხმება დაჩქარდეს“, - განაცხადა წერეთელმა.