"ამ მოსმენამ დაადასტურა, რომ სენატში აბსოლუტურად ფლობენ საქარველოში მიმდინარე პროცესებზე ინფორმაციას" - ასე აფასებს პოლიტოლოგი ხათუნა ლაგაზიძე ამერიკის შეერთებული შტატების სენტაში გამართულ მოსმენას, რომელიც საქართველოს საკითხებს შეეხებოდა.

პოლიტოლოგი რამდენიმე ძირითად საკითხს გამოჰყოფს და ამბობს, რომ ჩვენმა სტრატეგიულმა პარტნიორებმა კარგად იციან როგორც ქვეყანაში არსებული რუსული პროპაგანდის შესახებ, ასევე თუ რა გამოწვევები დგას დემოკრატიის მიმართულებით.

"უაღრესად საინტერესო მოსმენა იყო, რომელმაც დაადასტურა, რომ საქართველოში არსებულ ვითარებას აბსოლუტურად ფლობენ.

ყველაფერს თავისი სახელი დაერქვა. კერძოდ იმას, რომ სასამართლო სისტემა, როგორც დამოუკიდებელი ინსტიტუტი არ არსებობს. ისევე, როგორც არ არსებობს დამოუკიდებელი ცენტრალური საარჩევნო კომისია და საარჩევნო ადმინისტრაცია. რომ ბალანსი მკვეთრადაა გადახრილი ხელისუფლებისკენ.

დეტალურად იყო განხილული არჩევნების დროს დაფიქსირებული დარღვევები.

საუბარი იყო კიბერუსაფრთხოებასა და საინფორმაცო ომზე. პროპაგანდაზე, რომელიც რუსეთის მხრიდან იმართება და რომელიც ჰიბრიდული ომის ნაწილია.

ყურადღება გამახვილდა 2 ძირითად მიმართულებაზე - რუსეთის, მისი გავლენების გავრცელების შეკვებასა და დემოკრატიის დაცვაზე.

ეს მოსმენა შესაძლოა იყოს ერთგვარი გარდატეხვის მომენტიც დასავლეთსა და საქართველოს შორის ურთიერთობაში."