"მნიშვენლოვანი გზავნილები იყო ხელისუფლებისთვის, რომ უნდა შედგეს მოლაპარაკება და მოიძებნოს გზა, რათა ქვეყანა პოლიტიკურ კრიზისიდან გამოვიდეს" - ერთიანი ნაციონალური მოძრაობის ერთ-ერთი ლიდერი სალომე სამადაშვილი ამერიკის შეერთებულ შტატებში საქართველოს საკითხზე მიმდინარე მსჯელობას ეხმაურება და იმ მნიშვნელოვან გზავნილებზე საუბრობს, რაზეც ქვეყნის სტრატეგიულმა პარტნიორებმა გააკეთეს აქცენტები.

"გამომდინარე იქიდან, რომ ამერიკის შეერთებული შტატების კონსტიტუციის თანახმად სენატი საგარეო პოლიტიკის განმსაზღვრელია, ეს მოსმენა უმნიშვნელოვანესი იყო. თუ გავითვალისწინეთ ჩვენს ქვეყანაში არსებულ პოლიტიკურ კრიზისს, მისი მნიშვნელობა კიდევ უფრო იზრდება.

ჩვენ მოვისმინეთ გზავნილები საგარეო მიმართულებით ყველაზე გავლენიანი 3 სენატორისგან. რიშმა, შაჰინმა და ჯონსონმა ხაზი გაუსვეს ყველა იმ პრობლემას, რაზეც ოპოზიცია ვსაუბრობთ.

საუბარი იყო პოლიტიზირებულ მართლმსაჯულებაზე, კონკრეტულად ნიკა მელიას საქმეზე. ფაქტობრივად თქვეს, რომ სასამართლო პოლიტიკურ დაკვეთებს ასრულებს.

ასევე, საუბარი შეეხო არჩევნებს და არჩევნების შემდგომ პროცესებს, როცა ყველა საჩივარი უგულვებელყოფლი იყო.

მნიშვენლოვანი გზავნილები იყო ხელისუფლებისთვის, რომ უნდა შედგეს მოლაპარაკება და მოიძებნოს გზა, რათა ქვეყანა პოლიტიკურ კრიზისიდან გამოვიდეს. ჩვენ, ჩვენი სტრატეგიული პარტნიორებისგან მოვისმინეთ, რომ თუ შეთანხმება არ შედგება, ისინი მკვეთრი რეაგირების მოხდენას აპირებენ" - აღნიშნავს სამადაშვილი "ნიუ პოსტთან" საუბრისას.