აშშ-ის სენატის საგარეო კომიტეტის სხდომაზე საქართველოში დემოკრატიის მდგომარეობის შესახებ მოსმენა მიმდინარეობს. ამერიკის სახელმწიფო დეპარტამენტის წარმომადგენელი ჯორჯ კენტი ნიკა მელიას დაკავების საკითხს შეეხო.

"ოპოზიციის ლიდერის, ნიკა მელიას დაკავებამ კრიზისი გაამწვავა. მისი დაკავება იყო უკან გადადგმული ნაბიჯი ქართული დემოკრატიისთვის.. საქართველოს დემოკრატიისთვის ეს გადამწყვეტი მომენტია.

როგორც საქართველოს მოკავშირემ და მეგობარმა, აშშ-მ გულწრფელად უნდა ისაუბროს მაშინ, როცა ქართველი ლიდერები, განსაკუთრებით კი მმართველი პარტიიდან, ქართველი ხალხის არჩეული გზიდან გადახვევას იწყებენ," - ამბობს ჯორჯ კენტი.