ოპოზიციონერების ციხეში ყოფნის ყოველი დღე რუსეთის გამარჯვებაა - ამის შესახებ სენატორმა ჯინ შაჰინმა სენატის საგარეო კომიტეტის სხდომაზე განაცხადა, სადაც საქართველოში დემოკრატიის მდგომარეობის შესახებ მოსმენა მიმდინარეობს. ის მოუწოდებს საქართველოს ხელისუფლებას, გააძლიეროს დემოკრატიული ინსტიტუტები.

"დღეს საქართველოში კრიტიკული სიტუაციაა. მიუხედავად ნიუ იორკის უსაფრთხოებისა და კოოპერაციის ორგანიზაციის დასკვნისა, რომ 2020 წლის არჩევნები "კომპეტენტური და კოვიდპანდემიის გამოწვევების მიუხედავად, ეფექტიანად ჩატარებული" იყო, ის ხაზს უსვამს საარჩევნო რეფორმის აუცილებლობას... მოვუწოდებ საქართველოს ხელისუფლებას, პრინციპულად მოკიდონ ხელი ამ საკითხს. არ არის საკმარისი, რომ არჩევნები იყოს ლეგიტიმური. დემოკრატიულ არჩევნებს ადგილზე უნდა ჰქონდეს ძლიერი მექანიზმები, რომ უთანხმოებები გადაწყდეს.

საქართველოში შექმნილი ჩიხიდან გამომდინარე, ერთადერთი მოგებული რუსეთია. რუსეთი ქაოსისგან სარგებელს იღებს. ოპოზიციის წევრების ციხეში გატარებული ყოველი დღე რუსეთის გამარჯვებაა. ყოველი დღე, როდესაც საქართველოს პარლამენტი ცარიელია, რუსეთის გამარჯვებაა. ამიტომაც დღეს ორივე მხარეს მოვუწოდებ, გვერდზე გადადონ მოკლევადიანი პოლიტიკური ინტერესები და საქართველოს დემოკრატიის გაძლიერებასა და შენარჩუნებაზე იმუშაონ," - ამბობს შაჰინი.