ვენეციის კომისიის დასკვნაში აღნიშნულიამ, რომ "ელექტრონული კომუნიკაციების შესახებ" კანონი, რომელიც "ქართულმა ოცნებამ" 2020 წელს დაჩქარებული წესით მიიღო, ლეგიტიმურობისა და პროპორციულობის ტესტს ვერ აკმაყოფილებს. ოცგვერდიან დოკუმენტში ღიად წერია, რომ ვენეციის კომისია ევროპის მასშტაბით არ იცნობს კომუნიკაციების სფეროს რომელიმე წარმომადგენელს, რომელიც კანონის ძალით ასეთი ფართო უფლებებით სარგებლობს.

"ვენეციის კომისია ევროპულ კონტექსტში არ იცნობს კომუნიკაციების სფეროს სხვა რომელიმე მარეგულირებელს, რომელსაც მინიჭებული აქვს ასეთი ფართო უფლებები" - ანუ, ვენეციის კომისია მიიჩნევს, რომ კანონმდებლობის შედეგად საქართველოს კომუნიკაციების კომისიამ საკუთარი უფლებები იმდენად გააფართოვა, რომ ვენეციის კომისია ვერ პოულობს ევროპის რომელიმე ქვეყანაში ანალოგს, რომ კომუნიკაციების სფეროს მარეგულირებელს კომპანიების მიმართ ასეთი შეუზღუდავი უფლებები ჰქონდეს.