მთავარი არხის ეთერში გასულმა სუს-ის ყოფილი თანამშრომლის სკანდალურმა ინტერვიუმ საზოგადოება კიდევ ერთხელ დაარწმუნა ხელისუფლების მხრიდან უკანონო ქმედებების სიცხადეში. ვანო გულაშვილის აღიარებამ ზედა ეშელონების იმიჯი და სტატუსი მნისვნელოვნად შეარყია. ამ ინტერვიუს მოყვა შს მინისტრის კახაბერ საბანაძის გადადგომა, რომელიც ინტერვიუში ერთ-ერთი მთავარი ფიგურანტია და რომლის დანაშაულებრივ ქმედებაზეც საუბრობს გულაშვილი ინტერვიუში 20 ივნისის სისხლიანი ღამის ეპიზოდზე.

ნაციონალური მოძრაობის თავმჯდომარის ნიკა მელიას ადვოკატის განცხადებით, კიდევ ერთხელ გახდა ცხადი, რომ სპეცსამსახურებმა 20 ივნისის სისხლიანი ღამის ჩანაწერები განზრახ გაანადგურეს, რათა არ გამოჩენილიყო იმ ბრალეულობის აბსურდულობა, რომელიც პოპზიციის თავმჯდომარის მიმართ არსებობს:

"ნიკა მელიას, რომელსაც ედავებიან აბსოლუტურად აბსურდულ ბრალდებას, მოსახლეობის შეჭრის ორგანიზებას, გამოჩნდებოდა, რომ პირიქით ნიკა მელია ყველაფერს ცდილობდა, რომ დაეშოშმინებინა სიტუაცია. გამოჩნდებოდა ძალიან ბევრი პირი ვინც, ხელისუფლების მხრიდან ოპერირებდა ადგილზე და ასევე გამოჩნდებოდა სამართალდამცველების მხრიდან გადაცდომები", - განაცხადა გიორგი კონდახაშვილმა.