აქცია შსს-სთან: ის, რის გამოც ანწუხელიძე აწამეს, მაგრამ ვერ გააკეთებინეს

აქცია შსს-სთან: ის, რის გამოც ანწუხელიძე აწამეს, მაგრამ ვერ გააკეთებინეს - პოლიციელმა საქართველოს დროშა ძირს დააგდო

პოლიტიკა - 12:17, 23 Mar, 2021

3418

ორთაჭალაში, შსს-სთან ენმ-ს წევრებმა აქცია გამართეს. ისინი ორი დღისწინანდელ პრეცედენტს აპროტესტებდნენ, როდესაც საწვავის ფასის ზრდის გამო გამართულ აქციაზე პოლიციალემა ერთ-ერთ აქტივისტს დროშა ჩამოართვა და მიწაზე დააგდო. აქციის მონაწილეების განცხადებით, აღნიშნული ქმედება სისხლის სამართლის დანაშაულია და ამ საქციელისთვის სამართალდამცველმა გიორგი ბერაიამ თანამდებობა უნდა დატოვოს. როგორც აქტივისტები აცხადებდნენ, აგვისტოს ომის გმირი გიორგი ანწუხელიძე სწორედ იმის გამო აწამეს და მოკლეს რუსმა სამხედროებმა, რომ მათი მითითება - დროშაზე ფეხებით შემდგარიყო, არ შეასრულა, ამას კი ქართველი პოლიციელი დაუფიქრებლად აკეთებს:
„საწვავთან დაკავშირებით მძღოლებს ჰქონდათ აქცია აეროპორტის გზაზე, ამ მანქანებს ჰქონდათ საქართველოს დროშები, ერთ-ერთმა პოლიციელმა ეს დროშა მოხსნა და უდიერად გადააგდო გვერდით. ჩვენი სიმბოლიკა შებღალა, რაც არის დანაშაული, სისხლის სამართლის კოდექსის 343-ე მუხლია და ითვალისწინებს 2 წლამდე პასუხისგებას.
ჩვენ შეგვაქვს შესაბამისი განცხადება შსს-ში ამ პიროვნების პასუხისგებაში მისაცემად. ჩვენი მოთხოვნაა, დაუყონებლივ იყოს გათავისუფლებული სამსახურიდან და დაიწყოს გამოძიება შესაბამისი მუხლით. ის რაც ამ ადამიანმა განახორციელა იყო დამამცირებელი ქმედება მთლიანად სახელმწიფოსთვის და მისი კოლეგებისათვის”, - განაცხადა ენმ-ს წევრმა, ზვიად კუპრავამ.