საქართველოში ამერიკის შეერთებული შტატების ელჩი კელი დეგნანი საქართველოს სახალხო დამცველს ნინო ლომჯარიას შეხვდა და მისი საქმიანობის მიმართ მხარდაჭერა გამოხატა.

როგორც საელჩოს მიერ გავრცელებულ განცხადებაშია ნათქვამი, დეგნანი შეშფოთებას გამოთქვამს ომბუდსმენის მიმართ პოლიტიზირებული თავდასხმებით და მოუწოდებს პარლამენტს, მხარი დაუჭიროს სახალხო დამცველის ოდისის საქმიანობას:

"სახალხო დამცველის ოფისი საქართველოში ადამიანის უფლებათა დაცვისა და დემოკრატიული განვითარებისთვის სასიცოცხლოდ მნიშვნელოვანი, დამოუკიდებელი ინსტიტუტია. ჩვენ შეშფოთებული ვართ სახალხო დამცველის ოფისზე პოლიტიზირებული თავდასხმებით, რაც აზიანებს ამ მნიშვნელოვან ინსტიტუტს და ძირს უთხრის მის ეფექტურობას. მოვუწოდებთ პარლამენტს, კონქტრუქციულად ჩაერთოს სახალხო დამცველის ოფისის საქმიანობაში და მხარი დაუჭიროს მის როლს საქართველოში თითოეული მოქალაქის უფლებების დასაცავად", - წერია საელჩოს განცხადებაში.