მესამე ძალა თუ ოლიგარქის თამაშის ნაწილი - სოციალურ ქსელში ივანიშვილის გვერდმა სახელი შეიცვალა და გახარიას კუთვნილება გახდა

პოლიტიკა - 10:50, 23 Mar, 2021

1551

ყოფილი პრემიერი გიორგი გახარია უკვე მეორე დღეა საზოგადოების დასანახად სოციალურ ქსელში თუ ჟურნალისტების თანდასწრებით განცხადბებს აკეთებს და ახალი გუნდის შექმნის მოლოდინს ქმნის.

ცოტა ხნის წინ კი 2011 წელს სოციალურ ქსელში შექმნილი ბიძინა ივანიშვილის ფეისბუკ-ფეიჯი "ივანიშვილი და მედია" გადაკეთდა "გახარია და მედიად", რაც საზოგადოებაში იწვევს ვარაუდს, რომ პოლიტიკურ ასპარეზზე გახარიას დაბრუნება სწორედ ივანიშვილის თამაშის ნაწილია. სოციალურ ქსელში დილიდან არ წყდება სხვადასხვა სახის კომენტარები, რომელიც სწორედ ამ ვარაუდის გაღრმავებისკენ მიდის.
იქვე, სტატუსის სახით განმარტებაა მოცემული და წერია, თუ რატომ იცვლება გვერდის სახელი და აღნიშნულია ივანიშვილის როლიც თავისუფალი მედიასივრცის შექმნაში, რაც კიდევ უფრო მეტად არწმუნებს საზოგადოებას, რომ გახარია ივანიშვილს არ ემიჯნება:
"როცა საერთო ღირებულებებზე მიგვითითებს საზოგადოების გარკვეული ნაწილი, თურმე ერთი კაცის ზიზღი გვაერთიანებდა მხოლოდ არის სიცრუე. არა ბატონებო. ბიძინა ივანიშვილის ოცნება და ყველა მისი მხარდამჭერის ის იყო, რომ საქართველოში შექმნილიყო გარემო, სადაც პოლიტკურ ძალებს თუ მედიებს, ექნებოდათ შესაძლებლობა თავისი წილი პასუხისმგებლობა აეღოთ ამ ქვეყნის წინაშე.სწორედ ჩვენ, თავისუფალმა მედიამ უნდა შევქმნათ ისეთი მედია სტანადრტი, რომ ქვეყნის დამზიანებლ პოლტიკურ ძალებს და მათ მედია საშუალებეს უბრალოდ აღარ ყავდეთ აუდიტორია . შეცდომაში რომ არ შევიყვანოთ საზოგადოება იცვლება ჩვენი გვერდის სახელწოდება სადაც აღარ იქნება ბიძინა ივანიშვილის სახელი და გვარი. აქვე ავღნიშნავთ, რომ ფასდაუდუებელია მისი წვლილი საქართველოში თავისუფალი მედიასივრცის შექმნაში.მალე სიახლეებით დაგიბრუდნებით, სიმართლის დროა !!!" - წერია პოსტში.