"მოქალაქეების" ერთ-ერთი ლიდერი ყოფილი პრემიერის გირგი გახარიას განცხადებას გამოეხმაურა და განაცხადა, რომ წავიდა ის დრო, როცა ვიღაცას აქვს ფუფუნება, იყოს შეფარული ოპოზიცია, ან სატელიტი. მისი თქმით, გამოჩნდება, როგორ ოპოზიციონერობას გადაწყვეტს გახარია:

"ძალიან საინტერესო იქნება, გიორგი გახარიას პოლიტიკური პარტია როგორ იქნება ოპოზიციაში. ჩვენი მოქალაქეები ნამდვილად ასხვავებენ ერთმანეთს ვითომ ოპოზიციას, ხელოვნურად შექმნილ ოპოზიციას და იმას, რეალურად ვინ არის ოპოზიციაში. ამიტომ, მგონი, წავიდა ის დრო, რომ ვიღაცას აქვს ფუფუნება, იყოს შეფარული ოპოზიცია, ან სატელიტი. გამოჩნდება, გახარია როგორ ოპოზიციონირებას გადაწყვეტს. მივესალმები იმას, თუ ახალი პოლიტიკური ძალა შეიქმნება, ამის გამო პოლიტიკური ლანდჩაფტი გახდება უფრო საინტერესო. ძალიან მეეჭვება, რომ ვინმემ შეძლოს "მესამე ძალის" მანტიის მორგება, მგონია, რომ ეს მესამე ძალა უნდა იყოს ოპოზიციური პარტიების კოალიცია, რადგან ერთ რომელიმე პარტიას გაუჭირდება ამ ტვირთის თავის თავზე აღება", - განაცხადა ლევან იოსელიანმა.

შეგახსენებთ, რომ ყოფილმა პრემიერმა გადადგომის შემდეგ ჟურნალისტებთან პირველი კომენტარი გააკეთა და განაცხადა, რომ პოლიტიკიდან არსად მიდის.