სრულიად საქართველოს მუსლიმთა სამმართველოს ყოფილი შეიხი, ვაგიფ აქპეროვი პოსტ-ფაქტუმში გასული სკანდალური სიუჟეტის შემდეგ მთავარი არხის ეთერში ქართული ოცნების მხრიდან არსებულ შემოთავაზებებსა და სუს-ის თანამშრომელბის მიერ მასზე განხორციელებულ ზეწოლაზე ისაუბრა. აქპეროვის თქმით, ოცნებისგან "იატაკქვეშ თანამშრომლობაზე" შეთავაზება არა ერთხელ მიუღია და პირველად ხელისუფლების ცვლილებიდან მალევე მიიღო:

"2012-ში პირველივე დეკადაში, ბოლოს 12-13 ოქტომბერს სრულიად საქართველოს მუსლიმთა სამმართველოს ოფისში მობრძანდა სუს-ის ორი მაღალჩინოსანი, ბატონი მალხაზი, ბატონი ვაჟა, რომლებიც ძალიან ლაკონურები იყვენენ, ჩვენ ვართ უშიშროების თანამშრომლებიო, ხელისუფლება შეიცვალა და ვინც ჩვენთან ითანამშრომლებს იქნება კარგად, ვინც ჩვენთან არ ითანამშრომლებს, წავა სახლში.

მე ვუთხარი, ხელს არ მოვაწერ წასვლაზე და თანამდებობის დატოვებაზე. პირველი რაც მითხრა მაზმიაშვილმა და მისმა უფროსმა, პირადი ცხოვრების ამსახველი კადრებით. ამას ვიმეორებ უკვე 10 წელიწადია. მაშინ გავამჟღავნებთ პირადი ცხოვრების ამსახველ კადრებსო.

მე ღმერთის კაცი ვარ, რაც გინდა აჩვენეთ მთავარია თქვენ კი არა, მაგრამ მე ღმერთის წინაშე მართალი ვარ მეთქი, მე და რაც გინდა აჩვენე. მაშინ სისხლის სამართლის საქმეს აღვძრავთო და კონკრეტულად ჩამომითვალეს რა საქმე შეუძლიათ აღძრან" - თქვა ვაგიფ აქპეროვმა.