ოცნების დეპუტატის გურამ მაჭარაშვილის განცხადებით, ოპოზიცია ისევ ულტიმატუმის ენით საუბრობს და არ განიხილავს სხვა შეთავაზებებს, რაც ხელისუფლებას მოლაპარაკების მაგიდაზე ჰქონდა მიტანილი. მისი თქმით, ოპონენტები მხოლოდ ვადამდელ არჩევნებსა და პოლიტპატიმრების გათავისუფლებას ითხოვენ და ჯიუტად იძახიან, რომ 31 ოქტომრბის არჩევნები გაყალბდა. მაჭარაშვილის განმარტებით, ხელისუფლება კიდევ მზად არის მოლაპარაკებებისთვის:

„დღეს ოპოზიცია არის სერიოზული გამოწვევის წინაშე - განსაკუთრებით ოპიზიციის ის ნაწილი, რომელსაც აქვს ამბიცია, რომ არის პროდასავლური. მაშინ როდესაც მთელი ევროპული ინსტიტუციები გეუბნებიან, რომ საპარლამენტო არჩევნები არის ლეგიტიმური და უნდა შეხვიდე პარლამენტში, ხოლო შენ მაინც ჯიუტად, ყოველგვარი არგუმენტაციის გარეშე იმეორებ, რომ არჩევნები გაყალბდა, ბუნებრივია, ოპოზიციის ამომრჩეველში კითხვები ჩნდება. ჩვენ დღესაც მზად ვართ მოლაპარაკებებისთვის - რა თქმა უნდა, სამართლიანობის პრინციპების საფუძველზე! ბუნებრივი, მოლაპარაკებების პროცესში ჩვენ ჩვენი შეთავაზებები გვქონდა, მაგრამ სამწუხაროდ, ოპოზიციის მხრიდან არანაირი შეთავაზება არ ყოფილა, გარდა იმ ულტიმატუმისა, რასაც ვადამდელი არჩევნები და ე.წ. პოლიტიკური პატიმრების გათავისუფლება ჰქვია. მათ არ შეცვალეს ულტიმატუმი, რომელიც საპარლამენტო არჩევნების მეორე დღიდან ჰქონდათ, იმის მიუხედავად, რომ ევროპის ინსტიტუციებიდან მაღალი თანამდებობის პირები ჩამოვიდნენ და თქვეს, რომ შეთანხმება უნდა მოხდეს. ოპოზიციამ შეთანხმება და დათანხმება ვერ განასხვავა ერთმანეთისგან", - განაცხადა მაჭარაშვილმა.