"ევროპული საქართველოს" ერთ-ერთი ლიდერის გიგი წერეთლის განცხადებით, ევროკავშირთან საქართველოს მისიის ხელმძღვაბელმა ნატალია საბანაძის თანამდებობის დატოვების მიზეზი, სავარაუდოდ, ხელისუფლებასთან შეუთავსებელი პოლიტიკა გახდა. მისი განმარტებით, ელჩისთვის ძნელი აღმოჩნდა იმ ყველაფრის შელამაზება, რაც ქართულ პოლიტიკაში ხდებოდა:

"ასეთ ვითარებაშო, როცა მოლაპარაკებები ინტესიურია, მართლია, ამ ეტაპზე, ჩაშლილი, მაგრამ პროცესი მაინც მიდის, ვფიქრობ, ელჩის გადადგომა ჩვეულებრივი მოვლენა არაა. მიუხედავად იმისა, რომ ეს ელჩი უკვე 8 წელია სამსახურშია, როგორც ჩანს, ამ მომენტში, გახდა ის პოლიტიკა შეუთავსებელი, რომელსაც ხელისუფლება საგარეო ფრონტზე ახორციელებს, ამ შემთხვევაში ევროკავშირთან დამოკიდებულებაში. როგორც ჩანს, მან მიიღო ეს გადაწყვეტილება. ალბათ ძალიან ძნელი იყო ელჩისთვის იმ ყველაფერზე მუშაობა და ამის შელამაზება, პრაქტიკულად ამ დასავლური ვექტორიდან დისტანცირება ხდება. ეს იყო ჩემი აზრით ძირითადი ფაქტორი, რის გამოც ის წავიდა" - განაცხადა გიგი წერეთელმა.