ხელვაჩაურში, სადაც "ოცნების ქალაქის" მაცხოვრებლები აქციას მართავენ, სიტუაცია დაიძაბა. ცოტა ხნის წინ აქციის მონაწილეებსა და პოლიციას შორის დაპირისპირება მოხდა. ადგილობრივები აჭარის მთავრობის თავმჯდომარესთან თორნიკე რიჟვაძესთან შეხვედრასა და ხელშეკრულებების გაფორმებას ითხოვენ, რადგან ფიქრობენ, რომ ტერიტორიაზე მშენებარე კორპუსში საცოხვრებელი ფართებით ყველას არ დააკმაყოფილებენ:

"ხვალ 14:00 საათზე აჭარის ჯანდაცვის სამინისტროსთან შევიკრიბებით და აქციას გავმართავთ. არ გავჩერდებით, ვიდრე ცნობილი არ გახდება, რამდენი ადამიანი დაკმაყოფილდება ფართებით. 9 წელია გაუსაძლის პირობებში ვცხოვრობთ და ვითხოვთ ნორმალურ საცხოვრებელს",- განაცხადა აქციის ერთ-ერთმა მონაწილემ მარინა ბერიძემ.