"ოცნების ქალაქის" მაცხოვრებლებმა საცხოვრებელი ფართებით დაკმაყოფილების მოთხოვნით ხელვაჩაურში აქცია მოაწყვეს და გზა გადაკეეს. ისინი აჭარის მთავრობის თავმჯდომარე თორნიკე რიჟვაძესთან შეხვედრას ითხოვენ.

აქციის მონაწილეების განცხადებით, ტერიტორიაზე სოციალური სახლები შენდება, თუმცა მათთვის გაურკვეველია, ვინ მიიღებს ბინას.

"აქ გაცილებით მეტი ოჯახი ცხოვრობს, ვიდრე ბინები შენდება, რაც საკმარისი არ იქნება. არ ვაპირებთ აქციების შეწყვეტას".

"ბატონმა რიჟვაძემ წარმოგვიდგინოს დოკუმენტაცია და თითოეულთან დადოს ხელშეკრულება, რომ ფართებით დავკმაყოფილდებით.

ვთქვით, რომ პროტესტის შეწყვეტას არ ვაპირებდით და ასეც მოხდება. აქ წლებია გაუსაძლის პირობებში ვცხოვრობთ, შენდება სახლები, მაგრამ ვინ დაკმაყოფილდება არ ვიცით", - აცხადებენ აქციის მონაწილეები.