ღამის საათებში გადაადგილებაზე დაწესებული შეზღუდვის მოხსნის მოთხოვნით დღეს კანცელარიასთან კიდევ ერთი აქცია გაიმართება.

აქტივისტები ე.წ. კომენდანტის საათის გაუქმების მოთხოვნით მთავრობს სახლთან 14:00 საათზე შეიკრიბებიან.

აქციაზე შეკრებილები საკონსტიტუციო სარჩელს საჯაროდ მოაწერენ ხელს და თავიანთ ულტიმატუმს გააჟღერებენ.

საკონსტიტუციო სარჩელი მოიცავს შემდეგ აქტებს:

საქართველოს კანონი საქართველოს ადმინისტრაციულ სამართალდარღვევათა კოდექსი;

საქართველოს კანონი საქართველოს სისხლის სამართლის კოდექსი;

საქართველოს კანონი საზოგადოებრივი ჯანმრთელობის შესახებ;

საქართველოს მთავრობის 2020 წლის 23 მაისის N 322 დადგენილება "იზოლაციისა და კარანტინის წესების დამტკიცების შესახებ" (იზოლაციისა და კარანტინის წესები).