ევროპარლამენტარს, ევროპის სახალხო პარტიის ბლოკის წევრის ლიეტუვიდან, ამ ქვეყნის ყოფილი თავდაცვის მინისტრის რასა იუკნევიჩიენეს განცხადებით, შეთანხმების გარეშე დასრულებულმა მოლაპრაკებებმა გაამყარა ეჭვი იმის შესახებ, რომ ჩრდილოვანი მმართველის, ბიძინა ივანიშვილსთვის ევროატლანტიკური ინტეგრაცია არაფერს ნიშნავს.

"ერთადერთი ქვეყანა, რომელიც ამ სიტუაციაში ბედნიერი და გამარჯვებულია, რუსეთის ფედერაციაა. ეჭვი ყოველთვის მქონდა და ახლაც მაქვს, რომ ბიძინა ივანიშვილისთვის, რომელიც კულისებში იყო და არ ჩანდა მოლაპარაკების მაგიდასთან, ევროატლანტიკური ინტეგრაცია არაფერს ნიშნავს. მე ძალიან გულწრფელად გეტყვით ამას. ხუთშაბათის შემდეგ, ჩემი ეჭვები უფრო გამყარდა...

ბიძინა ივანიშვილის მსგავსი ფიგურის არსებობა ეწინააღმდეგება დემოკრატიის ევროპულ გაგებას. დემოკრატია ჩვენ გვესმის, როგორც სახელმწიფოს ისე მოწყობა, სადაც მაგალითად, ოპოზიცია ძალიან მნიშვნელოვან როლს თამაშობს, იქნება ეს დღევანდელი ოპოზიცია თუ “ქართული ოცნების” ოპოზიცია მომავალში და არჩევნების მოგება სულაც არ ნიშნავს ყველაფრის შენს სასარგებლოდ მართვას", - თქვა იუკნევიჩიენემ.

იუკნევიჩენიემ, ქვეყანაში ოპოზიციის მნიშვნელობაზეც ისაუბრა, მისი თქმით, "ქართული ოცნების" პირობებში, ოპოზიცია გამოცხადებულია, როგორც მტერი", რაც დემოკრატიულ პროცესებს აზიანებს.