"მე მოგვიანებით მექნება დებატები, უფრო სწორად, საუბარი ერთ პიროვნებასთან", - განაცხადა ევროპარლამენტარმა ვიოლა ფონ კრამონმა.

ევროპარლამენტარის განმარტებით, არსებობს რამდენიმე რთული საკითხი და ორივე მხარე უნდა დაფიქრდეს, როგორ მოგვარდეს პატიმრების პრობლემა, რიგგარეშე არჩევნები და ასევე ბოიკოტის საკითხი.

მისივე თქმით, ზოგიერთ საკითხზე შეთანხმება შესაძლებელი იყო და ეს კარგია, მაგრამ არა საკმარისი.

"ეს ძალიან მნიშვნელოვანი მომენტია და მოდით, ნუ დავუძახებთ ამას კოლაფსს. დავუძახოთ შესვენება. ზოგჯერ ადამიანს შესვენება სჭირდება, რომ ამოისუნთქო, საკუთარ ხალხს მოუსმინო და კიდევ ერთხელ გაიაზრო, სად არის წითელი ხაზები და რა არის შენი პრიორიტეტები. ვფიქრობ, ჩვენ ახლა, ამ შუალედურ სტადიაზე ვართ. ზოგიერთ საკითხზე შეთანხმება შესაძლებელი იყო და ეს კარგია, მაგრამ არა საკმარისი.

ახლა ჩვენ გვჭირდება კონკრეტული შეთავაზებები ორივე მხრიდან, ისე რომ ახალი რთული წითელი ხაზები არ იყოს. როგორც მესმის, არსებობს რამდენიმე რთული საკითხი და ორივე მხარე უნდა დაფიქრდეს, როგორ მოგვარდეს პატიმრების პრობლემა, რიგგარეშე არჩევნები და ასევე ბოიკოტის საკითხი.

მე მოგვიანებით მექნება დებატები, უფრო სწორად, საუბარი ერთ პიროვნებასთან. ერთ-ერთი მხრიდან და ასევე ვილაპარაკებთ მომავალ კვირას შუამავალთან. თუმცა, მანამდე, მინდა მოვუწოდო ყველას, ვინც საქართველოში ხელისუფლებაშია და ასევე ყველას, ვისაც სურს პასუხისმგებლობის აღება. დაფიქრდეს, როგორ შეიძლება ამ სიტუაციაში პოზიტიური წვლილის შეტანა.

მე არ ვარ შარლ მიშელის პრესსპიკერი, ამიტომ, ამ საკითხზე არაფერს ვიტყვი, მაგრამ წარმომიდგენია, როგორ გრძნობს თავს, რადგან ძალიან ამბიციურია. თვლის, რომ ნამდვილად ღირს საქართველოსთვის ბრძოლა. დარწმუნებული ვარ, რომ ეს არ იყო დანიელსონის უკანასკნელი ვიზიტი საქართველოში. ვფიქრობ, რომ ქართველი ხალხის ინტერესების გათვალისწინებით, მივალთ შეთანხმებამდე, - ამბობს კრამონი "მთავარ არხთან".

შარლ მიშელის პირადი წარმომადგენლის, კრისტიან დანიელსონის მედიაციით, "ქართული ოცნებისა" და ოპოზიციის წარმომადგენლების შეთანხმება ვერ შედგა. დანიელსონი 19 მარტს დილით ბრიუსელში გაფრინდა.