საქართველოში მიმდინარე უმწვავეს პოლიტიკურ კრიზისზე მომდევნო კვირაში აშშ-ს სენატი იმსჯელებს. ამასთან დაკავშირებით, ქვეყნის მეოთზე პრეზიდენტმა გიორგი მარგველაშვილმა სოციალურ ქსელ "ტვიტერში" დაწერა, რომ შეერთებული შტატების ჩარევა დაუყონებლივ გვჭირდება, რათა დემოკრატიის უკუსვლა შეჩერდეს:

"სენატის ქვეკომიტეტში საქართველოს შესახებ მოსმენას ველოდები. 3 წლის წინ კონგრესს საქართველოს მხარდამჭერი აქტის მიღების თხოვნით მივმართე და ჩვენმა კარგმა მეგობრებმა ის ანგარიშში ჩაწერეს. ის დემოკრატიის დაცვითა და გაძლიერების მოწოდებით იწყება. დემოკრატიის უკუსვლის შესაჩერებლად ჩვენ აშშ-ის აქტიური ჩარევა გვჭირდება დაუყოვნებლივ!" - წერს გიორგი მარგველაშვილი.

შეგახსენებთ, რომ სენატი საქართველოზე დებატებს 23 მარტს გამართავს. პროცესი სენატორ ჯინ შაჰინის ინიციატივით ჩაინიშნა და სენატორთა კითხვებს სახელმწიფო მდივნის მოადგილის თანაშემწეები უპასუხებენ.