"ქართული ოცნების" თავმჯდომარე ირაკლი კობახიძე იმედს გამოთქვამს, რომ მოლაპარაკებები წარმატებით დასრულდება. მისი განცხადებით, დიალოგი შედეგს იმ შემთხვევაში გამოიღებს, თუ თუ სათანადო მიდგომა იქნება ყველა მხრიდან:

"შეხვედრა გაიმართა, ალბათ, ოპოზიციის წარმომადგენლებთანაც იქნება ასეთი კონსულტაციები და დღეს, სავარაუდოდ, კიდევ ერთი ასეთი ერთობლივი შეხვედრა შედგება. ჩვენ გვაქვს დიდი იმედი, რომ ეს დიალოგი დასრულდება წარმატებით, შეთანხმებით. თუ იქნება სათანადო მიდგომა ყველა მხრიდან, ამ შემთხვევაში, დიალოგი იქნება წარმატებული. კონკრეტულ თემებთან დაკავშირებთ იყო საუბარი, რაც უკავშირდება სავარაუდო შეთანხმებას და კონკრეტული საკითხები და დეტალები განვიხილეთ. ჩვენ გვაქვს იმედი, თუმცა ყველაფერი დამოკიდებულია იმაზე, როგორ დამოკიდებულებას გამოიჩენენ მხარეები დიალოგის მიმართ.

პირობა იყო დადებული საერთაშორისო პარტნიორებთან, რომ არც ერთ დეტალზე, არც ერთ წითელ ხაზზე არ იქნებოდა საუბარი, ჩვენ ვიცავთ ამ პირობას, თუმცა ამ პირობას არ იცავს ოპოზიცია,"- განაცხადა კობახიძემ.

შეგახსენებთ, რომ დღის მეორე ნახევარში ხელისუფლებასა და ოპოზიციას შორის კიდევ ერთი დიალოგი გაიმართება, რომელსაც მედიაციას ევროპის საბჭოს პრეზიდენტის შარლ მიშელის სპეციალური წარმომადგენელი საქართველოში კრისტიან დანიელსონი გაუწევს.