ერთიან ნაციონალურ მოძრაობაში იმედოვნებენ, რომ გუშინ მომხდარ ფაქტთან დაკავშირებით, როდესაც პარტიის მთავარ ოფისს იარაღიდან ესროლეს, გამოძიება ბოლომდე იქნება მიყვანილი და დაისჯება არა მხოლოდ შემსრულებელი, არამედ დამკვეთიც.

აღნიშნულის შესახებ პარტიის წარმომადგენელმა გიორგი ბოტკოველმა ისაუბრა:

"იმ ხელისუფლებისა და ძალოვანი უწყების პირობებში, რომელთაც 3000 ადამიანი მოჰყავთ მთავარი ოპოზიციური პარტიის ოფისში, რათა ლიდერი დააკავონ, გამოძიების ბოლომდე მიყვანის იმედი არ გვაქვს. თუმცა, რა თქმა უნდა, პროცესებს დავაკვირდებით და ყველაფერს გავაკეთებთ, რომ გამოიკვეთოს არა მხოლოდ შემსრულებელი, არამედ დამკვეთი.

რაც შეეხება კობახიძის განცხადებას, რომ თითქოს ჩვენ თავად ვესროლეთ ჩვენს ოფისს, ეს მოულოდნელი არ ყოფილა. ვსაუბრობდით კიდეც, რომ ეს ნარატივი ექნებოდათ. ეს იყო სრულიად სამარცხვინო და საზიანო გამცხადება არამხოლოდ პერსონებისთვი, არამედ ქვეყნისთვის. მმართველი პარტია ცდილობს სახელმწიფო ბოლომდე ჩამოანგრიოს" - აღნიშნა ბოტკოველმა.

შეგახსენებთ, რომ გუშინ ერთიანი ნაციონალური მოძრაობის მთავარ ოფისზე გაკრულ ჯიკა მელიას ბანერს რამდენჯერმე ესროლეს. შინაგან საქმეთა სამინისტროს მიერ დღეს გავრცელებული განცხადებით კი, პირი, რომელმაც გასროლა მოახდინა დაკავებულია.