თუ მმართველი პარტია არ გაათავისუფლებს პოლიტპატიმრებს და არ ჩანიშნავს ვადამდელ არჩევნებს, ეს ნიშნავს, რომ შეთანხმება არ შედგება - ასეთია ერთიანი ნაციონალური მოძრაობის პოზიცია.

როგორც პარტიის წარმომადგენელმა აკაკი მინაშვილმა "ნიუპოსტთან" საუბრისას აღნიშნა, ამ მომენტისთვის მოლაპარაკებები საკმაოდ რთულად მიმდინარეობს.

"გამომდინარე მმართველ პარტიის ქცევიდან და რიტორიკიდან, მოლაპარაკებები საკმაოდ რთულად მიმდინარეობს. ამიტომ, რთულია მოლოდინებზე საუბარი. ამ მომენტისთვის მე შემიძლია ვისაუბრო მხოლოდ ჩვენს პოზიციაზე, რომელიც საკმაოდ მკაფიოა. იმისათვის, რომ ქვეყანაში კრიზისი გადაიჭრას 2 საკითხის მოგვარებაა მთავარი - გათავისუფლდნენ პოლიტპატიმრები და დაინიშნოს ვადამდელი არჩევნები, რომელიც ქვეყანაში არსებულ პრობლემებს გადაჭრის.

თუ ქართული ოცნება ამის წინააღმდეგი იქნება, ეს ნიშნავს, რომ მათ არ უნდათ პრობლემების მოგვარება, ევროპული მიდგომების წინააღმდეგ მიდიან და შეთანხმება არ შედგება"- აღნიშნა მინაშვილმა.