"ქართული ოცნების" თავმჯდომარე, ირაკლი კობახიძე მიიჩნევს , რომ სწორი მიმართულებით წავიდა პროცესი - ამის შესახებ მან დანიელსონის მედიაციით გამართული ორმხრივი შეხვედრის შემდეგ განაცხადა.

კობახიძის თქმითვე, მთავარია, რომ ოპოზიციამ საბაბის მოძებნა არ დაიწყოს იმისათვის, რომ ჩაშალოს მოლაპარაკებები..

"ოპოზიციას გუშინაც დაუმძიმდა განწყობა, ბორელის განცხადების შემდეგ მოაყოლეს შაყოლეს შტურმი ევროკავშირზე და დასავლურ ინსტიტუტებზე. ეს რა თქმა უნდა, არ წაადგება პოლიტიკურ პოზიციებს.. რაც შეეხება შეხვედრას, იყო ძალიან კარგი შეხვედრა, ბევრი საკითხი განვიხილეთ და სწორი მიმართულებით წავიდა პროცესი. მთავარია, რომ ოპოზიციამ საბაბის მოძებნა არ დაიწყოს იმისათვის, რომ ჩაშალოს მოლაპარაკებები.. ..საინტერესო დისკუსია შედგა, განვიხილეთ მთელი რიგი საკითხები. მათ შორის რამდენიმეზე უკვე პოზიციებია შეჯერებული. დანარჩენების განხილვა გრძელდება. მე სანამ ჩამოვიდოდი ვნახე მათი [ოპოზიციის] განცხადებები და ეს არის უხეში დარღვევა იმ პირობების, რომელიც არის საერთაშორისო პარტნიორებთან შეთანხმებული. ერთ-ერთი მთავარი პირობა, რაც დავდეთ არის, ის რომ არცერთ წითელ ხაზზე არ უნდა ყოფილიყო საუბარი. თუ ნახავთ ამ განცხადებებს საუბარია რამდენიმე წითელ ხაზზე, ეს ნათლად წარმოაჩენს მათ სახეს", - ამბობს ირაკლი კობახიძე.