"სტრატეგია აღმაშენებლის" ლიდერი, გიორგი ვაშაძე, კრისტიან დანიელსონთან ორმხრივი შეხვედრის შემდეგ აცხადებს, რომ "არაფერია შეთანხმებული, სანამ ყველაფერი არაა შეთანხმებული".

მისივე თქმით, მთავარი რაზეც შეთანხმდნენ არის პრინციპი.

"ხუთივე საკითხთან დაკავშირებით უნდა მოხდეს შეთანხმება. საკმაოდ რთული სამუშაო პროცესი იყო, თუმცა გარკვეული ნაბიჯები გადავდგით. მარტივად არ მიდის პროცესი. ხვალ ვაგრძელებთ და იმედი მაქვს, ხუთივე საკითხზე შევთანხმდებით. მათ შორის პოლიტპატიმრების საკითხი, რიგგარეშე არჩევნები, საარჩევნო და სასამართლო რეფორმა და ძალაუფლების განაწილება. ყველა ამ საკითხზე უნდა შევთანხმდეთ. აუცილებლად იქნება პოლიტპატიმრების და რიგგარეშე არჩევნების თემაც", - ამბობს გიორგი ვაშაძე.