კრისტიან დანიელსონის მედიაციით ოპოზიციას და ხელისუფლებას შორის რამდენიმესაათიანი შეხვედრა დღეს დასრულდა.

რესპუბლიკური პარტიის წევრის, ხათუნა სამნიძის შეფასებით, " ძალიან საინტერესო, მნიშვნელოვანი და რთული საუბარი ქონდათ".

მისივე თქმით, მოლაპარაკებები ხვალ, 18 მარტს გაგრძელდება.

სამნიძისვე თქმით, განხილულ იქნა ევროპული საბჭოს პრეზიდენტის წარმომადგენლის, შარლ მიშელის მიერ შემოთავაზებული დოკუმენტის 6-ვე პუნქტზე, მათ შორის რიგგარეშე არჩევნებსა და პოლიტპატიმრების საკითხზე, თუმცა, როგორც სამნიძე ამბობს, შეთანხმება მიღწეულად ჩაითვლება მას შემდეგ, რა იქნება თანხმობა 6-ვე საკითხთან დაკავშირებით.

"დღეს გვქონდა ძალიან საინტერესო, მნიშნველოვანი, რთული საუბარი და დისკუსია ყველაფერზე. გვაქვს პროგრესი, მაგრამ არ შეიძლება ვისაუბრობთ არაფერზე კონკრეტულზე. ძალიან რთული იყო ყველა საკითხის განხილვა, ხვალ გრძელდება ეს მოლაპარაკებები. როგორც იცით, შეხვედრა ორმხრივი იყო, ორივე მხარე ვუზიარებდით ერთმანეთს ჩვენს პოზიციებს, ყველაფერზე იყო საუბარი, ყველა პუნქტზე. შეთანხმება მოხდება, როცა ყველა პუნქტზე შევთანხმდებით, ეს არის მიზანი" ,- განაცხადა სამნიძემ.