როცა ჯდები დიალოგის მაგიდასთან, გელაპარაკებიან თუ ხედავენ ძალას... ეს ძალა დღეს ქუჩაშია" - ბაჩუკი ქარდავა ნათელაშვილის მიერ შეხვედრის დატოვებაზე

პოლიტიკა - 18:13, 17 Mar, 2021

1382

გაერთიამებული ოპოზიციის ერთ-ერთი ლიდერი, ეროვნულ-დემოკრატიული პარტიის თავმჯდომარე ბაჩუკი ქარდავა შალვა ნათელაშვილის მხრიდან პროტესტის ნიშნად დიალოგის მაგიდის დატოვებას გამოეხმაურა. როგორც ქარდავამ ნიუპოსტს განუცხადა, ოპოზიცია შეთანხმებულია, რომ პოლიტპატიმრებისა და ვადამდელი არჩევნების თემა უპირობოდ უმთავრესი საკითხი უნდა ყოფიკიყო. ედპ-ის ლიდერი ამბობს, რომ მისთვისაც მოულოდნელობა იყო ლეიბორისტების ლიდერის ეს გადაწყვეტილება და მისივე თქმით, აუცილებლად მოხდება შეხვედრა შალვა ნათელაშვილთან და დეტალებზე ისაუბრებენ.
"რაც მოვისმინეთ, მიზეზი იყო ის, რომ მას [ნათელაშვილს] არ აკმაყოფილებს მოლაპარაკების ის ფორმა და ის საკითხები, რომლებზეც საუბარი მიმდინარეობდა შეხვედრაზე. ყოველ შემთხვევაში, დღემდე ჩემთვის ასე იყო ცნობილი, რომ პოლიტპატიმრების თემა იყო უპირობო და მთავარი საკითხი ამ მოლაპარაკებებში, ასევე ვადამდელი არჩევნები. შალვამ, ცოტა არ იყოს, ჩემთვის მოულოდნელი და სენსაციური განცხადება გააკეთა და ამ მიზეზით მან შეხვედრა დატოვა. ალბათ, ძალიან მალე შევხვდები ბატონ შალვა ნათელაშვილს, ასევე შევხვდები სხვა ოპოზიციურ ლიდერებს და უფრო დეტალურად ვისაუბრებ ამ თემაზე, მაგრამ თვითონ ის, რომ პოლიტიკური კრიზისის განმუხტვის პროცესი მიმდინარეობს ძალიან რთულად და ამაში დამნაშავე არის შეშინებული ხელისუფლება, ეს აშკარაა" ზ განაცხადა ქარდავამ.
მანვე ხაზი გაუსვა, რომ დიალოგის მაგიდასთან გადამწყვეტი მნიშვნელობა ენიჭებ აძალას. მისივე სიტყვებით, ეს ძალა ოპოზიციის მხარესაა და ის ქუჩაშია, ხალხის სახით. ედპ- ის თავმჯდომარე ამბობს, რომ ხელისუფლებას აქვს ბოლო შანსი და თუკი ის შეეცდება დიალოგის წარუმატებლად დასრულებას, ხალხი ქუჩაში გამოვა.

"მოლაპარაკებებს ყოველთვის მივესალმებოდი და მივესალმები დღესაც, მაგრამ ის შედეგებზე უნდა იყოს ორიენტირებული. ცხოვრების მარტივი კანონია - როცა ჯდები მოლაპარაკების მაგიდასთან, იქ გადამწყვეტი მნიშვნელობა მაინც ძალას ენიჭება, მოგელაპარაკებიან, როცა ხედავენ ძალას. დღეს ქართული ოპოზიციის ძალა არის ქუჩაში და ეს არის ქართველი ხალხი. ჩვენ უნდა დავანახოთ ამ ხელისუფლებას, რომ იმ შემტხვევაში, თუ ეს მოლაპარაკებები წარუმატებლად დასრულდება, ეს არის მათი ბოლო შანსი და ხალხი ქუჩაში გამოვა" - განაცხადა ქარდავამ.