საქართველოს მიმართ წუხილები ბოლო დროს განვითარებულ მოვლენებს, მათ შორის, ნიკა მელიას დაპატიმრებას უკავშირდება - განცხადება ნატო-ს გენერალურმა მდივანმა ირაკლი ღარიბაშვილთან შეხვედრის შემდეგ გააკეთა.

"რატომ ვთქვით, რომ დაფიქრებული ვართ საქართველოში არსებულ ვითარებაზე?! ეს ბოლო დროს განვითარებულ მოვლენებს, მათ შორის, ოპოზიციური პარტიის ლიდერის დაპატიმრებას უკავშირდება.

ამ უთანხმოების გადაჭრის გზა უნდა მოიძებნოს, რათა საქართველომ შეძლოს დაგეგმილი რეფორმების გაგრძელება და რა თქმა უნდა, ხალხის მიერ არჩეული პარლამენტი ამ დემოკრატიის ქვაკუთხედს წარმოადგენს"- მიმართა სტოლტენბერგმა ღარიბაშვილს.