ქართული ოცნების დეპუტატი ლადო კახაძე ვაქცინაციასთან დაკავშირებით ეკლესიის პოზიციას ეხმაურება და ფორმულასთან საუბარში აცხადებს, რომ ის მღვდელმსახურს ვერ შებედავს, რომ მოსახლეობას რაიმე მოუწოდოს.

"მე ეკლესიას როგორ შევბედავ რამეს, რაღაცის მოწოდებას. ეკლესია ჩემთვის საწყისთა საწყისია. უბრალოდ, ნებისმიერი წამალი რწმენით მიღებული გაცილებით ძლიერია. ეკლესიამ თქვა, რომ ჩვენ ვაქცინაციას არავის ვუკრძალავთო. ჩემთვის უხერხულია ამის მოწოდება. მე როგორ გავუბედო ეკლესიის მსახურს, რომ ასეთი მოწოდება გააკეთოს, მაგრამ მე გამაძლიერებდა მათი თანადგომა", - აცხადებს კახაძე.

დღეს, 17 მარტს საპატრიარქოს საზოგადოებასთან ურთიერთობის ხელმძღვანელმა ანდრია ჯაღმაიძემ კორონავირუსის ვაქცინაციასთან დაკავშირებით განაცხადა

რომ ეკლესია პასუხისმგებლობას ვერ აიღებს ვაქცინაციის პროპაგანდასთან მიმართებაში.