მზად ვართ ოპოზიციასთან დიალოგის გასაგრძელებლად - ამის შესახებ ირაკლი ღარიბაშვილმა ბრიუსელში, საქართველო - ევროკავშირის ასოცირების საბჭოს რიგით მე-6 სხდომის დასრულების შემდეგ ისაუბრა.

კითხვაზე, რა დათმობებისთვის არის მზად "ქართული ოცნება", რომ ეს პროცესი წინ წავიდეს, პრემიერმინისტრი ამბობს, რომ მათ ოპოზიციას არაერთი იდეა შესთავაზეს.

"დასაწყისიდან ნათელი გავხადეთ და აღვნიშნეთ, რომ ვიყავით და ვართ მზად ოპოზიციასთან ამ დიალოგის გასაგრძელებლად. ჩვენ მთელი რიგი კონსტრუქციული ძალებისა განვახორციელეთ, რომ მოგვეხდინა ამ სიტუაციის დეესკალაცია, შეგვემცირებინა პოლარიზაცია.. ჩვენ ასევე შევთავაზეთ იდეები, გამოსავალი.. მე არ მინდა, დეტალებს ჩავუღრმავდე, რადგან მოლაპარაკების პროცესი ჯერ კიდევ მიმდინარეობს", - ამბობს ღარიბაშვილი.