რამდენიმე წლის წინ ჩოგბურთელმა ნიკოლოზ ბასილაშვილმა წარსული გაიხსენა და თქვა, რომ „ყოფილა შემთხვევა, როცა 10 დღის განმავლობაში მამამისთან ერთად მანქანაშიც კი სძინებია“.

„მამაჩემმა თავისი პირადი ცხოვრება გადადო, ის დამყვებოდა ყველა ტურნირზე. ჩვენ რთული სიტუაციები გამოვიარეთ და მძიმე პირობებში გვიწევდა ჯერ თბილისში და შემდეგ სხვადასხვა ქვეყანაში თავის გატანა.

მამაჩემი რაღაცნაირად ახერხებდა თანხების მოძიებას, რომელიც ამ ყველაფრისთვის საჭირო იყო. ზოგჯერ სასტუმროში ცხოვრობდით, თუმცა, გვქონია შემთხვევა, როცა 10 დღე მანქანაში გვეძინა. ეს ყველაფერი კი რამდენჯერმე მოხდა“, – განაცხადა ბასილაშვილმა Adjarasport.Tv-სთან საუბრისას.